lau 12. ágúst 2017 12:00
Guðmundur Aðalsteinn Ásgeirsson
Benitez ætlar ekki að stökkva frá borði
Mynd: Getty Images
Rafa Benitez ætlar ekki að stökkva frá borði og hætta með Newcastle þrátt fyrir að fá ekki þá fjármuni sem hann hefði viljað fá.

Sögur hafa verið á kreiki um að Benitez sé gríðarlega pirraður á hreyfingaleysi félagsins á leikmannamarkaðnum í sumar.

Hann er þó ekki á förum ef marka má orð hans á blaðamannafundi í gær. Þar sagðist hann ætla að reyna sitt besta.

„Við erum með stórt félag og heila borg á bak við félagið, þannig að við getum bætt okkur. En við verðum að hugsa um fótbolta þegar við gerum hlutina, það er lykilatriði. Ef þú nærð árangri á vellinum, þá er allt hitt aukaatriði," sagði Benitez við blaðamenn.

„Ég er hérna. Ég mun gera mitt besta. Það er sama hvað við fáum marga nýja leikmenn, við verðum bara að vera vissir um að þeir 25 leikmenn sem við munum hafa leggi sig alla fram"
Athugasemdir
banner
banner
banner