Úr fyrri leiknum í síðustu viku.
Stjörnustúlkur eru mættar til Rússlands til að undirbúa sig fyrir leikinn gegn Zvezda í Meistaradeildinni á fimmtudag. Byrjunin á dvölinni í Rússlandi hefur ekki gengið þrautalaust fyrir sig en Stjarnan fékk ekki að æfa á gervigrasinu sem leikurinn fer fram á.
Stjarnan sótti um það í september að fá að æfa á vellinum en fyrir æfingu í dag bárust þau skilaboð að það væri ekki mögulegt.
Stjörnstúlkur æfðu því í líkamsræktarsal á hótelinu í dag en þær vonast til að fá leyfi hjá Rússunum til að æfa á gervigrasinu á morgun.
Stjarnan á erfitt verkefni fyrir höndum á fimmtudag eftir 3-1 tap í fyrri leiknum í síðustu viku.
Snjór er í Rússlandi þessa dagana eins og sjá má á Twitter færslu sem markadrottningin Harpa Þorsteinsdóttir setti inn.
kjöraðstæður fyrir íslenskar stjörnur! @FCStjarnan #aframstjarnan pic.twitter.com/BuVtb1n5Tj
— Harpa Þorsteins (@HarpaThorsteins) October 12, 2015Athugasemdir
