„Ég get ekki sagt að við séum ekki að fara til Kína en heldur ekki staðfest að við séum að fara þangað. Við erum með erlenda ráðgjafa sem eru að hjálpa okkur að finna verkefni og við vonumst til að vera búin að finna lausn á þessu mjög fljótlega,“ segir Klara við Vísi.

Samkvæmt fréttum frá Kína munu Marcelo Lippi og lærisveinar hans í kínverska landsliðinu einnig mæta landsliði Kolumbíu í vináttuleik þann 14. nóvember. Ísland og Kolumbía munu samkvæmt fréttinni mæta með sitt sterkasta lið til leiks í þessa vináttuleiki.

Í janúar á þessu ári fór íslenska landsliðið á æfingamót í Kína. Ekki var um að ræða alþjóðlega leikdaga og því voru flestir af lykilmönnum íslesnka landsliðsins ekki með á því móti.

Í nóvember eru alþjóðlegir leikdagar og Ísland er nú að skoða möguleika á vináttuleikjum þá þar sem liðið þarf ekki að fara í umspil um sæti á HM.

Sjá einnig:
Möguleiki að landsliðið spili vináttuleiki í nóvember