Þarna er væntanlega á ferð Ásgeir Börkur Ásgeirsson, miðjumaðurinn öflugi, sem legið hefur undir feldi að undanförnu.

Hann hefur verið orðaður við Víking og Fylki sem er hans uppeldisfélag.

„Það er ekkert leyndarmál að við viljum fá Ásgeir Börk til okkar. Þau mál eru í vinnslu og hann vildi fá einhverja daga til að anda að sér íslenska fjallaloftinu. Við setjum stefnuna á að klára okkar leikmannamál um mánaðamótin en það eru ansi mörg ár síðan þau mál kláruðust svona snemma hjá Fylki," sagði Ólafur Geir Magnússon í stjórn knattspyrnudeildar Fylkis við Fótbolta.net í gær.

Fylkir hafnaði í sjötta sæti Pepsi-deildarinnar í sumar en eftir erfiða byrjun var liðið nálægt því að tryggja sér Evrópusæti í lokin.