Heimild: Vísir.is
Vísir.is greinir frá því að miðjumaðurinn Ólafur Ingi Skúlason, leikmaður Zulte Waregem í Belgíu, sé leikfær fyrir vináttuleik Belgíu og Íslands í kvöld.
Ólafur veiktist í vikunni og var haldið frá hópnum til að koma í veg fyrir smit.
Samkvæmt upplýsingum frá fjölmiðlafulltrúa KSÍ er Ólafur orðinn frískur og gat æft í hádeginu,
Eini leikmaðurinn sem er útilokaður frá leiknum í kvöld er varnarmaðurinn Kári Árnason sem er meiddur á tá en vonast er til að hann leiki gegn Tékkum á sunnudag.
Leikur Belgíu og Íslands hefst klukkan 19:45 í kvöld og verður í beinni textalýsingu á Fótbolta.net. Við hvetjum lesendur til að nota kassamerkið #fotboltinet fyrir færslur yfir leiknum á Twitter.
Athugasemdir