,,Þetta gefur okkur fleiri möguleika og setur fleiri hugmyndir í kollinn á okkur. Hvort sem við breytum liðinu eða ekki á veitir þetta þeim sem spila á sunnudag meira aðhald."

Thibaut Courtois fór á kostum í marki Belga og ef einhver annar markvörður hefði verið í markinu í kvöld hefði leikurinn getað farið öðruvísi.

,,Viltu segja kannski í hvaða liði hann væri þá? Við þekkjum einn á bekknum sem hefði ekki varið þetta allt," sagði Heimir og ýjaði þar að því að Simon Mignolet markvörður Liverpool hefði ekki staðið sig jafn vel og Courtois.

,,Ég hugsa að það verði allir klárir á sunnudaginn. Það var tilgangurinn, að taka ekki neina sénsa," sagði Heimir sem var ekki smeykur þegar Aron Einar Gunnarsson meiddist lítillega í fyrri hálfleik.

,,Hann er harður nagli. Þórsarar frá Akureyri eru harðir andskotar," sagði Heimir brosandi að lokum.

Hér að ofan má sjá viðtalið í heild sinni.