„Við í Fram féllum og það voru sex eða sjö farnir þegar ég ákvað að rifta samningnum mínum við félagið. Það voru margir að hætta og þjálfarinn hættur svo það spilaði inn í þá ákvörðun," sagði Ósi í viðtali við Fótbolta.net í dag.

„Ég fór til Fram til að spila á hærra „leveli" en í öðrum flokki. Fram hafði trú á mér og ég sé ekki eftir þessari ákvörðun. Ég lærði alveg gríðarlega mikið og þetta fer í reynslubankann. Ég ætla að byggja á því."

Ósi hefur trú á því að Breiðablik geti gert góða hluti næsta sumar undir stjórn nýs þjálfara en Arnar Grétarsson tók við liðinu eftir tímabilið.

„Ég held að við getum tvímælalaust barist í efri hlutanum. Þetta er frábært lið með frábæran þjálfara. Þjálfarinn er með ákveðnar hugmyndir og mér finnst ég passa vel í þær."

Viðtalið má sjá í heild sinni í spilaranum hér að ofan.