Einkunnir Íslands: Jói Berg bestur

---

Hannes Þór Halldórsson 6
Náði ekki að eiga við langskot Króata. Varði mjög vel frá Perisic í fyrri hálfleik.

Birkir Már Sævarsson 5
Í basli með boltann. Gekk þó ágætlega að halda Perisic niðri.

Kári Árnason 6
Var öflugur lengst af. Rann í síðara marki Króata þegar hann ætlaði að mæta Brozovic. Slapp með skrekkinn þegar hann fékk boltann í hendina í fyrri hálfleik.

Ragnar Sigurðsson 7
Hélt Mandzukic vel niðri ásamt Kára.

Hörður Björgvin Magnússon 4
Mjög óöruggur á boltann. Átti misheppnaða sendingu í öðru markinu og upp úr því skoruðu Króatar. Í basli varnarlega í stöðu sem hann spilar ekki með félagsliði sínu.

Jóhann Berg Guðmundsson 7 - Maður leiksins
Sprækasti maður Íslands í dag. Var mjög ógnandi.

Aron Einar Gunnarsson 6
Dreif liðsfélaga sína áfram af krafti. Tók sénsinn og var farinn í hlaupið fram þegar Króatar unnu boltann í öðru markinu.

Birkir Bjarnason 6
Drjúgur á miðjunni en missti af Brozovic í fyrra markinu.

Theodór Elmar Bjarnason 5 (\'75)
Var ekki jafn öflugur og gegn Tyrkjum. Fékk gult spjald í fyrri hálfleik og var kominn á síðasta séns.

Gylfi Þór Sigurðsson 7
Minna í boltanum í nýrri stöðu frammi en var mjög ógnandi þegar hann fékk boltann.

Jón Daði Böðvarsson 5 (\'75)
Duglegur að venju og öflugur í loftinu. Fékk tvö færi sem ekki nýttust.

Varamenn:

Arnór Ingvi Traustason (\'75)
Spilaði of stutt til að fá einkunn.

Viðar Örn Kjartansson (\'75)
Spilaði of stutt til að fá einkunn.