Það verður heldur betur stórleikur í enska boltanum um helgina er Manchester United og Liverpool mætast kl 16:00 á sunnudaginn. Þessir miklu erkifjendur ætti að bjóða upp á rosalegan leik. Manchester United hefur verið á gríðarlegri siglingu á meðan Liverpool er í 2. sæti deildarinnar. Það er því mikið undir, bæði stolt og í baráttunni í deildinni.

Áður en sá stórleikur fer fram gerist ansi margt í deildinni. Þetta byrjar allt saman með leik Tottenham og WBA. Tottenham vonast til að vinna sjöunda leikinn í röð gegn erfiðu WBA-liði.

Jóhann Berg Guðmundsson og félagar í Burnley mæta Southampton á heimavelli sínum á meðan Gylfi Þór Sigurðsson og félagar fá heimsókn frá Arsenal og má búast við hörkuleik.

Topplið Chelsea fær svo ríkjandi Englandsmeistara í Leicester á útivelli og búast má við áhugaverðum leik. Everton og Manchester City sjá svo um að hita upp sviðið fyrir United og Liverpool.