Karitas Tómasdóttir og Eva Lind Elíasdóttir framlengt samninga sína við Selfoss og munu þær leika með liðinu í 1. deildinni í sumar.
Þær eru báðar 21 árs gamlar og hafa verið í stóru hlutverki hjá Selfyssingum undanfarin ár.
Eva og Karítas fóru báðar til Bandaríkjanna síðasta sumar, Eva í Kansas og Karítas í Texas.
Karítas er miðjumaður sem á 75 leiki með Selfossi á meðan Eva er sóknarmaður sem hefur leikið 114 leiki.
„Við erum mjög ánægð með að Karitas og Eva Lind verði með okkur áfram. Þó að þær verði ekki á landinu allt keppnistímabilið þá munu þær styrkja okkur mikið þann tíma sem þær verða með okkur og koma með mikil gæði og reynslu inn í leikmannahópinn,“ sagði Alfreð Elías Jóhannsson, þjálfari kvennaliðs Selfoss.
Athugasemdir