Fótbolti.net

Jökull: Læti og stemning sem stuðningsmennirnir spúa yfir völlinn til strákanna

Helgi Fróði: Geggjað að vera í besta klúbbnum

Addi Grétars pirraður: Menn þurfa að hafa smá 'sens' fyrir því sem þeir eru að tala um

Ísak Óli: FH var langfyrsti kosturinn hjá mér

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

lau 13. janúar 2018 10:50

Guðmundur Aðalsteinn Ásgeirsson

Albert Guðmunds: Þarf að vinna fyrir því að komast á HM

Albert gerir sér vonir um að fara á HM.

Mynd: KSÍ - Óskar Örn Guðbrandsson

Frá landsliðsæfingu.

Mynd: KSÍ - Óskar Örn Guðbrandsson

Albert Guðmundsson (20) var maður leiksins þegar Ísland vann 6-0 sigur á Indónesíu á fimmtudag. Hann átti þátt í fjórum mörkum Íslands!

„Það var mjög skemmtilegt að fá að spila sinn fyrsta byrjunarliðslandsleik," hafði Albert að segja um leikinn gegn Indónesíu á fimmtudag.

„Það er frekar leiðinlegt og fúlt að leikurinn skemmdist svona í seinni hálfleik en það er kannski líka skemmtilegt að prófa eitthvað nýtt," sagði hann jafnframt.

Albert fékk leyfi frá félagsliði sínu, PSV í Hollandi til að koma í þessa leiki gegn Indónesíu en íslensku strákarnir spila aftur gegn Indónesíu á morgun um hádegisbilið.

„Philipp Cocu, þjálfarinn minn, kom til mín og sagði við mig að ég ætti að nota sénsinn og reyna að komast á HM. Hann sagði að það myndi ekki hafa nein áhrif á stöðu mína hjá klúbbnum þannig að ég verð bara að treysta því."

„Ég þrái að fara á HM eins og allir aðrir fótboltamenn. Ég treysti á hæfileika mína, vonandi ná þeir að skína og vonandi koma þeir mér á HM. Það er bara einn hlutur sem ég þarf að gera fyrst og það er að vinna til þess."

Gerir ráð fyrir betra liði
Lið Indónesíu verður breytt á morgun og Albert gerir ráð fyrir sterkara liði en á fimmtudaginn.

„Ég vissi ekki mikið áður en ég kom hingað um Indónesíu. Hér búa margar milljónir og það hljóta að leynast einhverjir góðir fótboltamenn hérna," segir Albert.

„Ég geri ráð fyrir því að þetta verði fínt lið, betra en seinasta lið með fullri virðingu."

„Almennt það sem við erum búnir að renna yfir erum við búnir að tala um að þeir séu litlir, teknískir og snöggir leikmenn."

Viðtalið við Albert má sjá í heild sinni hér að neðan.