Cardiff vann rétt í þessu stórsigur á Sunderland 4-0 í Wales í Championship-deildinni.

Markalaust var í hálfleik en heimamenn blésu til sóknar í seinni hálfleik og skoruðu fjögur mörk gegn engu gestanna.

Þetta var kærkominn sigur fyrir Walesverjana en þeir höfðu tapað síðustu fjórum leikjum sínum og komast í annað sæti deildarinnar, með 50 stig, en liðin fyrir neðan eiga leik inni á þá.

Gestirnir sitja sem fastast á botni deildarinnar með 22 stig.

Aron Einar Gunnarsson lék ekki með heimamönnum enda hefur hann verið meiddur undanfarið.