Fanndís Friðriksdóttir spilaði með Marseille er liðið spilaði gegn Montpellier í frönsku úrvalsdeildinni í dag.

Marseille vann óvæntan sigur á Paris í síðustu umferð en í dag gerðist lítið óvænt hvað varðar úrslit.

Montpellier byrjaði vel og var 2-0 yfir í hálfleik. Eftir 20 mínútur í seinni hálfleiknum komst Montpellier í 3-0. Þá sýndi Marseille eitthvað og náði að klóra í bakkann með tveimur mörkum. Lengra komst Marseille hins vegar ekki og lokatölur 3-2.

Fanndís, sem fór til Marseille síðasta sumar, spilaði allan leikinn í dag samkvæmt vefsíðunni footofeminin. Marseille er á botni deildarinnar með sex stig eftir 13 leiki.