RÚV verðlaunað fyrir útsendingar frá landsleikjum
Meistari Guðjón Guðmundsson.
Það voru tveir aðilar sem fengu afhent fjölmiðlaverðlaun á 70. ársþingi KSÍ sem haldið er á Hótel Nordica Reykjavík. Annars vegar var það RÚV vegna útsendinga á leikjum í undankeppn EM og hinsvegar Guðjón Guðmundsson, Gaupi, fyrir þættina Sumarmótin, þætti um knattspyrnumót yngstu iðkendanna.
RÚV var verðlaunað fyrir gæði í beinum útsendingum frá landsleikjum Íslands í fótbolta.
Hér má sjá umsögn um verðlaun Gaupa:
Þættir Stöðvar 2 Sports um krakkamótin 2015 vöktu mikla lukku og áhorf á þá var mikið. Guðjón Guðmundsson, sem er á meðal reynslumestu íþróttafréttamanna landsins, stýrði þáttunum af miklum sóma og heimsótti mörg mót. Opinn og afslappaður samskiptamáti Guðjóns virkaði vel í við gerð þátta Stöðvar 2 Sports um krakkamótin 2015.
Samspil hans og ungra iðkenda á knattspyrnumótum sumarsins var stór þáttur í því að gera þættina jafn áhugaverða og raunin var og gáfu þættirnir góða innsýn inn í þessa umfangsmiklu viðburði sem aðildarfélög KSÍ hafa svo mikla og góða reynslu af.
Athugasemdir
