Real Madrid er komið í 2.sæti spænsku úrvalsdeildarinnar eftir öruggan heimasigur á Athletic Bilbao í dag.

Portúgalska markavélin Cristiano Ronaldo kom Real yfir snemma leiks en Javier Eraso var fljótur að svara fyrir gestina. Heimamenn leiddu þó í hálfleik þar sem James Rodriguez skoraði skömmu fyrir leikhlé.

Þýski miðjumaðurinn Toni Kroos bætti svo þriðja markinu við í uppbótartíma fyrri hálfleiks en ekki var allt fjörið búið.

Frakkinn ungi Raphael Varane var sendur í sturtu rétt á undan liðsfélögum sínum því hann fékk rautt spjald á 83.mínútu. Ronaldo lét það ekki stöðva sig í að bæta við mörkum því hann kom Real í 4-1 á 87.mínútu en Gorka Elustondo klóraði í bakkann fyrir gestina í uppbótartíma.