Phil Jones varnarmaður Manchester United segir að liðið hafi átt skilið að tapa gegn Newcastle í fyrradag. Hann segist vera miður sín vegna úrslitanna.
Eftir 1-0 tapið eru United 16 stigum frá toppliði Manchester City. Tottenham og Liverpool sigruðu um helgina og komust nær United í öðru sætinu.
Eftir 1-0 tapið eru United 16 stigum frá toppliði Manchester City. Tottenham og Liverpool sigruðu um helgina og komust nær United í öðru sætinu.
„Ég held að úrslitin hafi verið sanngjörn. Við áttum ekki skilið að vinna leikinn," sagði Jones við sjónvarpsstöð Manchester United.
„Við vorum kærulausir í byrjun og stuðningsmenn þeirra tóku við sér. Við fengum nokkur færi í síðari hálfleik en við vorum einfaldlega ekki nógu góðir."
Jones hefur verið gagnrýndur fyrir frammistöðu sína við hlið Chris Smalling í hjarta varnarinnar hjá United.
Phil Neville, fyrrum leikmaður Manchester United, sagði að þeir hefðu verið hörmulegir í vetur og væru heppnir að vera með besta markmann í heimi fyrir aftan sig.
Athugasemdir