þri 13. febrúar 2018 14:30
Magnús Már Einarsson
Lacazette frá keppni í allt að sex vikur
Mynd: Getty Images
Arsenal hefur fengið slæmar fréttir en framherjinn Alexandre Lacazette verður frá keppni næstu vikurnar.

Lacazette fór í aðgerð á hné og verður frá keppni í allt að sex vikur í kjölfarið.

Lacazette kom til Arsenal frá Lyon síðastliðið sumar og hefur ekki náð að springa út eins og vonir stóðu til.

Hinn 26 ára gamli Lacazette missti sæti sitt í liðinu til Pierre-Emerick Aubameyang þegar hann kom til Arsenal frá Dortmund á dögunum.

Lacazette átti að fá sénsinn gegn Östersund í Evrópudeildinni á fimmtudag en nú er ljóst að hann verður frá næstu vikurnar.
Athugasemdir
banner
banner
banner