Björn Daníel á heimleið?
Þær sögusagnir að Valur sé að færast nær því að fá miðjumanninn Björn Daníel Sverrisson hafa verið að ganga meðal íslenskra fótboltaáhugamanna þessa dagana.
Björn Daníel hefur verið fastur á bekknum hjá AGF síðan keppni í dönsku úrvalsdeildinni hófst aftur eftir vetrarfrí. Hann hefur aðeins spilað sjö mínútur í þeim sex umferðum sem búnar eru á árinu 2018.
Björn Daníel hefur verið fastur á bekknum hjá AGF síðan keppni í dönsku úrvalsdeildinni hófst aftur eftir vetrarfrí. Hann hefur aðeins spilað sjö mínútur í þeim sex umferðum sem búnar eru á árinu 2018.
Fyrir áramót var hann á láni hjá Vejle í B-deildinni.
Björn Daníel er uppalinn hjá FH sem hefur einnig áhuga á að fá hann en sagan segir að Valsmenn leiði kapphlaupið.
„Við höfum áhuga á þessum leikmanni eins og öll önnur íslensk félög en það er ekkert í gangi. Ég veit ekki betur en að hann stefni á að vera áfram úti og það eru engar viðræður í gangi," segir Börkur Edvardsson, formaður Vals.
Þjálfaraskipti urðu hjá AGF en Björn hefur ekki náð að koma sér í byrjunarliðið undir stjórn David Nielsen.
„Við erum mjög vel mannaður á miðsvæðinu en erum að skoða það að bæta við hafsent. Það má auka við samkeppnina þar," segir Börkur um leikmannamál Íslandsmeistarana.
Orri Sigurður Ómarsson samdi við Sarpsborg í vetur og hyggjast Valsmenn bæta við miðverði í hans stað.
Börkur Edvardsson, formaður Vals.
Athugasemdir
