Á meðan Manchester United tapaði í Meistaradeildinni fyrir Sevilla fór ÍA létt með Víking R. í Lengjubikarnum í Akraneshöllinni.

Ragnar Leósson kom Skagamönnum yfir á sjöundu mínútur og var staðan 1-0 í hálfleik, ÍA í vil.

Þegar stundarfjórðungur var eftir breytti Stefán Teitur Þórðarson stöðunni í 2-0 og þá gerði Hilmar Halldórsson algjörlega út um leikinn þegar fimm mínútur voru eftir.

ÍA hefur lokið leik í Lengjubikarnum og er sem stendur í öðru sæti riðils síns, þremur stigum á eftir Íslandsmeisturum Vals. Víkingur hefur aðeins unnið einn af fjórum leikjum sínum, hinir hafa tapast.

Markaskorarar af urslit.net