Nýr miðasölugluggi fyrir HM í Rússlandi hófst klukkan 9:00 í dag en þar er um að ræða sölu þar sem fyrstur kemur fyrstur fær.
FIFA tilkynnti í gær að hægt væri að fá miða á alla leikina nema Ísland-Argentína og úrslitaleikinn sjálfan.
FIFA tilkynnti í gær að hægt væri að fá miða á alla leikina nema Ísland-Argentína og úrslitaleikinn sjálfan.
FIFA hefur svarað fyrirspurn KSÍ varðandi miðasöluna sem hófst í morgun og þar kemur fram að ekki er öll nótt úti fyrir íslenska stuðningsmenn sem eru í leit að miða á Argentínuleikinn.
„Núverandi miðaúthlutun veltur á því að greiðsla gangi upp og því gætu ákveðnir hópar skilað sínum miðum. Því er möguleiki á að miðar á leik Argentína og Íslands verði í boði á síðustu mínútum í miðasölunni," segir í svari FIFA til KSÍ.
„Það er miklvægt að hafa þetta í huga því að fótboltaaðdáendur gætu misskilið að „uppselt" sé á leikinn því að það gæti breyst."
Samvkæmt vef FIFA fara „síðustu mínútu miðar" í sölu þann 18. apríl næstkomandi og þar gætu verið einhverjir miðar á Argentínu leikinn ef fólk sem fékk miða ákvað að nýta sér þá ekki.
Sjá nánar á vef KSÍ
Miðasöluvefur FIFA
Athugasemdir