Brasilíski sóknarmaðurinn Neymar segir að hann verði búinn að jafna sig á meiðslum sínum fyrir HM í Rússlandi næsta sumar.

Neymar segir að hann verði mættur aftur á fótboltavöllinn eftir mánuð.

Þessi 26 ára sóknarmaður PSG fór í aðgerð í síðasta mánuði eftir að hafa meiðst á fæti gegn Marseille 25. febrúar.

Neymar var gestur í brasilískum spjallþætti á dögunum og þar sagði hann að endurhæfingin gengi vel.

„Ég verð byrjaður að spila aftur eftir rúman mánuð. Allt gengur vel."