Sigurður Ragnar Eyjólfsson, þjálfari íslenska kvennalandsliðsins, hefur valið hópinn fyrir leik liðsins gegn Dönum sem fer fram ytra núna 20. júní, en hann þurfti að gera eina breytingu á honum.
Gunnhildur Yrsa Jónsdóttir, leikmaður Arna-Björnar í Noregi, er meidd og getur því ekki tekið þátt í leiknum gegn Dönum, en hún var á tréverkinu í 4-2 sigri á Sandviken á dögunum.
Sigurður Ragnar hefur því kallað inn leikmann í hennar stað, en Elísa Viðarsdóttir kemur inn í stað Gunnhildar.
Elísa á átta A-landsleiki að baki, en sá seinasti var gegn Svíuum í vináttuleik í apríl í 2-0 tapi.
