Páll Einarsson og lærisveinar hans í Þrótti máttu þola enn eitt tapið í 1.deildinni. Í kvöld beið liðið lægri hlut gegn Grindvíkingum 3-0 á heimavelli. Tvö mörk á tveimur mínútum í fyrri hálfleik gerðu erfitt verkefni Þróttara enn erfiðara.
Lestu um leikinn: Þróttur R. 0 - 3 Grindavík
,,Það verður ekki tekið af mönnum, við vorum að berjast. Í fyrri hálfleik voru menn smeykir við að spila boltanum. Við vorum svolítið mikið í háum og löngum boltum, eitthvað sem við erum ekki vanir."
,,Í seinni hálfleik vorum við hinsvegar nokkuð sprækir og hefðum getað minnkað muninn í 2-1 en það gekk ekki upp," sagði Palli sem viðurkennir að staðan sé ekki góð hjá Þrótturum, þrjú stig eftir sex umferðir og liðið í fallsæti.
,,Það er nokkuð ljóst að þessi staða er vonbrigði. Við ætluðum okkur meiri og betri hluti en við erum komnir í þessa stöðu núna og við verðum leysa úr henni saman og það er verkefni fyrir okkur í næstu leikjum," sagði Páll sem hefur fulla trú á því að Þróttarar snúi blaðinu við í næstu leikjum.
Viðtalið við Palla má sjá í heild sinni í sjónvarpinu hér að ofan.
