Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   þri 13. júní 2017 11:00
Aðsendir pistlar
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Aron Einar Gunnarsson
Andri Júlíusson skrifar
Aðsendir pistlar
Aðsendir pistlar
Aron Einar Gunnarsson.
Aron Einar Gunnarsson.
Mynd: Fótbolti.net - Jónína Guðjörg Guðbjartsdóttir
Mynd: Fótbolti.net - Hafliði Breiðfjörð
Ég má til með að rita inn nokkur orð varðandi Fyrirliðann okkar.

Já ég skrifa Fyrirliðann með stóru F-i. Ekki nóg með það að hann leiði liðið út á völlinn með bandið á hendinni heldur er hann svo miklu meira. Allir vita að hann sleppti fæðingu sonar síns fyrir landsleik og hann spilaði hálf meiddur allt síðasta sumar á EM og ég tala nú ekki um nýja tattooið á bakinu sem er risastórt skjaldarmerki Íslands á bakinu.

En það sem fáir taka ekki eftir er hversu drífandi maðurinn er á vellinum. Það tala allir um hversu magnaðir leiðtogar Guðni Bergs, Siggi Jóns, Óli Þórðar voru en það vanti leiðtoga í nútíma fótbolta eða í þessa sparkhallar kynslóð eins og við köllum hana. Aron er vissulega ekki besti fótboltamaður í heimi en Guð minn almáttugur hvað maðurinn er mikill töffari

Ég tók eftir tveim "litlum" atriðum í fyrradag á vellinum gegn Króötum sem fékk mig til að hugsa og skrifa þennan pistil fyrst þegar Aron stillir í langt innkast en kastar svo stuttum bolta á Emil Hallfreðs sem á flotta sendingu inn á teiginn en enginn náði boltanum og ætlaði Emil að nýta tíman og hvíla sig aðeins á leiðinni til baka en okkar maður reif hann með sér inná miðjuna og klárir í næsta bardaga. Næsta var viðtal við Hörð Björgvin þar sem hann segir að hann hafi verið orðinn þreyttur á 60. Mínútu en Skip Gunnarsson hafi drifið sig áfram með hörku og það heldur betur skilaði sér með sigurmarki á 89.mínútu og 3 stigum í pokann góða.

Við erum heppinn njóta þessara drengja sem ekki virðast getað hætt að gleðja okkur á knattspyrnuvellinum og með alla hæfileikana sem Gylfi, Jói og allir hinir hafa þá er Fyrirlipinn okkar ómetanlegur fyrir liðið og landið!

Einnig verð ég að nefna annað lítið atriði sem kemur að liðsheild og samhug en eftir að leiknum lauk í fyrradag þá var fyrstur manna að hlaupa til Harðar, Ari Freyr Skúlason, keppinautur um stöðu vinstri bakvarðar og eigandi af þeirri stöð í mörg ár. Svona á að gera þetta !!

Áfram Ísland
Athugasemdir
banner
banner
banner