Lærissveinar Ejubs í Víking Ólafsvík fengu Leiknismenn í heimsókn á nýja gervigrasið og uppskáru góðann 3-0 sigur eftir tvö mörk í uppbótartíma.
Lestu um leikinn: Víkingur Ó. 3 - 0 Leiknir R.
Ejub var mjög hógvær í viðtali eftir leik og segir að það hafi kannski ekki verið alveg sanngjarnt að vinna leikinn með svo miklum mun en segir þó að sigurinn hafi verið fyllilega sanngjarn
"Leikurinn var nokkuð jafn framanaf og var jafnvægi með liðinum en í seinni hálfleik fannst mér við vera betri aðilinn og áttum skilið að vinna leikinn. 3-0 sýnir kannski leikinn ekki í réttri mynd en sigurinn var verðskuldaður"
Víkingar gerðu tvö mörk í uppbótartíma eftir undirbúning tveggja heimamanna sem komu inná af bekknum. Kristinn Magnús Pétursson gerði vel og lagði upp annað markið á Kwame eftir að hafa byrjað sóknina niðri við sinn eigin vítateig. Ívar Reynir Antonsson krækti svo í aukaspyrnu sem Emmanuel Eli Keke skoraði glæsilega úr.
"Það var gaman að sjá ungu strákana nýta tækifærið og setja sitt mark á leikinn. Mörkin komu seint í lokin en það er betra seint en aldrei" Sagði Ejub í lokin og brosti
Athugasemdir