Lestu um leikinn: ÍBV 0 -  1 Valur

Leikurinn var frekar tíðindalítill og lítið um færi og sagði Kristján liðið hafa átt skilið stig úr leiknum. „Við vorum ekki nógu góðir sóknarlega en við fengum heldur ekki mikið á okkur. Þetta var lokaður leikur.“

Rasmus Christiansen fótbrotnaði í leiknum og var fluttur í sjúkraflugi til Reykjavíkur. „Mönnum verður alltaf brugðið þegar svona gerist í fótboltaleikjum. Hann verður bara of seinn hann Siggi og lendir á honum. Þetta er óþægilegt og ekki gott að halda áfram að spila eftir að svona gerist. Bestu kveðjur til Rasmus.“

Langt var liðið á leikinn þegar fyrsta spjaldið leit dagsins ljós og stóð ekki á svörum þegar Kristján var spurður út í dómgæsluna. „Dómgæslan var bara nákvæmlega eins og ég bjóst við. Línan sem dómarinn setti var sú sem ég bjóst við. Þú veist ekkert hvað þú færð.“