Laurent Blanc hefur verið ráðinn stjóri sádí arabíska liðsins Al-Ittihad en hann gerir tveggja ára samning við félagið með möguleika á framlengingu um eitt ár til viðbótar.
Blanc er 56 ára gamall Frakki en hann var rekinn úr starfi hjá Lyon á síðasta ári eftir tæpt ár sem stjóri liðsins.
Útlit er fyrir að Houssem Aouar verði fyrsti leikmaðurinn sem Blanc fær til liðs við félagið en Al-Ittihad mun borga Roma um 12 milljónir evra fyrir leikmanninn.
Blanc átti farsælan feril sem leikmaður en hann lék m.a. með Napoli, Barcelona, Inter og Man Utd.
Athugasemdir
