Birkir Már Sævarsson kom inná sem varamaður í hálfleik fyrir Ara Frey Skúlason í sögulegum 2-0 sigri Íslands á Hollendingum á Laugardalsvelli.
,,Það var fyrst og fremst gaman að fá tækifæri í svona leik. Það var strembið að koma inn á í hálfleik gegn heimsklassa leikmönnum en mér fannst ganga ágætlega," sagði Birkir sem talaði um að trúin hafi verið mikil hjá liðinu.
,,Það var fyrst og fremst gaman að fá tækifæri í svona leik. Það var strembið að koma inn á í hálfleik gegn heimsklassa leikmönnum en mér fannst ganga ágætlega," sagði Birkir sem talaði um að trúin hafi verið mikil hjá liðinu.
,,Liðið var að spila frábærlega og við notuðum okkar séns. Við vissum að við myndum fá möguleika til að skora ef við værum þéttir til baka."
Birkir var eini leikmaðurinn í kvöld sem var í landsliðinu þegar það lék síðast gegn Hollendingum fyrir fimm árum. Margt hefur breyst á þeim árum og nú stóðu Íslendingar uppi sem sigurvegarar gegn þjóð sem lenti í 3.sæti á Heimsmeistaramótinu í Brasilíu í sumar.
,,Munurinn er sá að leikmennirnir erum orðnir eldri og leikreyndari og búnir að spila fleiri ár í sterkum deildum og það er að skila sér núna."
,,Nú er maður farinn til Noregs á bekkinn hjá Brann í fallbaráttu eftir þetta. Það verður að hafa það," sagði Birkir sem hefur ekki fengið margar mínútur með liði Brann í Noregi síðustu vikur en liðið er í næst neðsta sæti deildarinnar og mætir Sarpsborg á föstudaginn.
Viðtalið í heild sinni er hægt að sjá í sjónvarpinu hér að ofan.
