Hannes Halldórsson stóð vaktina í marki Íslendinga af stakri prýði í 2-0 sigri liðsins á Hollendingum í undankeppni Evrópumótsins. Þriðji leikur Hannesar og íslenska landsliðsins í röð sem liðið fær ekki mark á sig í undankeppninni og fullt hús stiga.

,,Ég vonaðist eftir þessum úrslitum en maður vissi ekkert við hverju maður átti að búast. Þetta er frábært lið sem við vorum að spila við. Ég heyrði inn í klefa að þeir eru nýbúnir að pakka Brasilíu saman 4-0, það getur allt gerst gegn þannig liði," sagði Hannes.