,,Ótrúlegustu? Ég veit það ekki. En þetta er frábær úrslit. Liðið er það gott og hefur sýnt það í síðustu leikjum að það er allt hægt," sagði landsliðskempan, Hermann Hreiðarsson nokkrum mínútum eftir að flautað var til leiksloka á Laugardalsvellinum í kvöld.
Þar fór íslenska landsliðið með sigur úr bítum gegn bronsliði Hollendinga frá Heimsmeistaramótinu í Brasilíu fyrr á þessu ári. Tvö mörk frá Hafnfirðingnum, Gylfa Þór Sigurðssyni skyldu liðin af og Ísland þar með fullt hús stiga í riðlinum eftir þrjá leiki.
Þar fór íslenska landsliðið með sigur úr bítum gegn bronsliði Hollendinga frá Heimsmeistaramótinu í Brasilíu fyrr á þessu ári. Tvö mörk frá Hafnfirðingnum, Gylfa Þór Sigurðssyni skyldu liðin af og Ísland þar með fullt hús stiga í riðlinum eftir þrjá leiki.
,,Þetta er sannkallaður vinnusigur. Maður sá vinnsluna í liðinu, frá fremsta til aftasta manns. Þegar menn leggja sig svona fram fyrir hvorn annan þá er allt hægt. Leikkerfið gekk fullkomlega upp og þar að auki áttum við fín færi. Við vorum miklu betra lið í heildina."
Hermann sat í heiðurstúkunni á Laugardalsvellinum í kvöld og leiddist það ekki að sjá íslenska landsliðið spila gegn þeim appelsínugulu.
,,Þú vinnur fyrir þinni heppni og þú ert mættur í annan bolta. Það var ekkert bara einn eða tveir leikmenn það voru alltaf þrír til fjórir. Robben hann lenti alltaf á vegg, hann var ekkert einn á einn. Það voru alltaf tveir til þrír í kringum hann. Við vildum þetta meira og strákarnir voru frábærir í alla staði,” sagði Hermann en viðtalið er hægt að sjá í heild sinni í sjónvarpinu hér að ofan.
Athugasemdir