Kári Árnason var eins og klettur í vörn Íslands í 2-0 sigrinum magnaða gegn Hollandi í kvöld.
„Þetta er lyginni líkast. Þetta var liðsheildarsigur. Ég hefði frekar viljað spila á móti Hollendingunum en Jóni Daða og Kolla, þeir voru illviðráðanlegir í dag," sagði Kári eftir leikinn.
„Við vissum allir að þetta væri hægt. Við vitum alveg hversu gott þetta lið er."
Kári átti afmæli í dag. Eru þetta besta afmælisgjöf sem hann hefur fengið?
„Ég held það bara. Fyrir utan skó sem ég fékk þegar ég var tíu ára," sagði Kári kíminn en viðtalið má sjá í heild í sjónvarpinu hér að ofan.
Athugasemdir