Ragnar var grjótharður á meðan leiknum stóð og eftir leik einnig.
Leik Íslands og Holland lauk nýverið og lauk honum með óvæntum en góðum 2-0 sigri Íslands. Ragnar Sigurðsson og Kári Árnason mynduðu frábært miðvarðarpar í leiknum og var ljóst að dagsverk þeirra yrði ekki auðvel með Robin van Persie í broddi fylkingar hjá Hollandi.
,,Þetta var það sem við ætluðum okkur og okkur tókst þetta," sagði Ragnar í samtali við Fótbolta.net
,,Við spiluðum mun aftar en við ætluðum okkur, við ætluðum að reyna að spila góðan fótbolta eins og við höfum verið að gera, en þeir voru góðir að halda boltanum og ýttu okkur niður, en við settum tvö mörk og kláruðum þetta."
Raggi var eins og áður sagði að glíma við stjörnuna frá Hollandi, Robin van Persie og tókst það virkilega vel.
,,Mér er skítsama við hvern ég er að spila, ég er bara að reyna að trufla hann. Við gerum bara okkar besta til að halda markinu hreinu sama við hvern maður er að spila."
,,Við höfum aldrei verið betri en núna," fullyrti Ragnar.
Viðtalið í heild má sjá hér að ofan.
Athugasemdir
