Tyrkland og Ísland mætast í undankeppni EM 2016 klukkan 18:45 að íslenskum tíma.

Tyrkir hafa að öllu að keppa í leiknum, en þeir geta með sigri tryggt sér beint sæti í lokakeppninni í Frakklandi ef önnur úrslit falla með þeim. Jafnframt dugir jafntefli til að tryggja umspilssæti.

Heimamenn gera eina breytingu frá liði sínu í síðasta leik. Caner Erkin kemur inn í byrjunarliðið í stað Cenk Tosun. Skæðasti framherji liðsins, Burak Yilmaz, er enn fjarri góðu gamni vegna meiðsla.

Stærstu stjörnur Tyrklands eru Arda Turan, leikmaður Barcelona, og Hakan Calhanoglu leikmaður Bayer Leverkusen.

Einhverjar breytingar eru á leikmannahópi Íslands frá því að liðið mætti Íslandi á Laugardalsvelli. Til að mynda er Ömer Toprak, sem fékk rautt spjald í Reykjavík, ekki í hóp.