David de Gea, markvörður Manchester United, vildi ekki svara spurningum fjölmiðla um hvort hann hefði riftunarákvæði í samningi sínum við enska félagið. De Gea hefur verið orðaður við Real Madrid og sögur um að spænska félagið gæti keypt hann fyrir ákveðna upphæð.
Allt stefndi í það í sumar að De Gea væri á leið til Madrídarliðsins en það féll upp fyrir á lokadegi gluggans. Á endanum skrifaði De Gea undir fjögurra ára samning við United.
Sögusagnir hafa verið í gangi um riftunarákvæði í samningi De Gea sem myndi gefa Madrídarfélaginu færi á að kaupa spænska markvörðinn fyrir 30 milljónir punda.
Eftir 1-0 sigur Spánverja gegn Úkraínu í gær vildi De Gea ekki að neita því að það væri slík klásúla í samningi sínum.
„Þið verðið að spyrja Jorge Mendes, umboðsmann minn, út í þessi mál. Það er hann sem sér um öll svona atriði," segir De Gea en Manchester United hefur heldur ekki viljað svara spurningum um málið.
Athugasemdir