---

Kjartan Atli Kjartansson - 365
Þetta verður svakalegur leikur. Að Mané sé ekki með mun breyta miklu fyrir Liverpool. Ég sé fyrir mér slatta af mörkum í leiknum og held að Lukaku eigi eftir að skora eitt, jafnvel tvö. Ég tippa á 3-2 sigur United. Góðar stundir.

Viðar Örn Kjartansson - Landsliðsmaður
Held að Liverpool taki Man Utd í kennslustund á morgun. Þessi leikur fer 3-0. Salah 2 og Ragnar Klavan lokar þessu í restina. Síðan er Enski á leiknum líka og það mun hafa góð áhrif á Liverpool a morgun.

Hjálmar Örn Jóhannsson - Snapchat stjarna
Ég hef verið að lesa í umhverfið undanfarið til að sjá hvernig leikurinn endar, og það er ekki hægt að neita því að þessir tveir sleikar hjá Enska segja manni að Liverpool skori 2 mörk, kúrið hjá honum bendir til þess að það verði rautt spjald. Mín Spá 2-0 og eitt rautt.

Kristjana Arnarsdóttir - RÚV
Liverpool þarf nauðsynlega á stigum að halda en þau koma ekki á Anfield á morgun, United vinnur þennan leik – sem verður hundleiðinlegur þó. Það reynir hins vegar á mína menn í United núna, enda búnir að spila við öllu slakari lið en Liverpool hingað til. Romelu Lukaku skorar í fyrri hálfleik og tryggir United stigin þrjú.

Viðar Skjóldal (Enski) - Snapchat stjarna
Ég verð á leiknum á morgun og það er mjög góð stemning hér í Liverpool. Það er að byggjast upp gott andrúmsloft. Þetta fer 2-1 fyrir Liverpool. Mane meiddist og hann getur ekki skorað meiddur svo ég verð að breyta spánni sem ég var búinn að spá um daginn. Við lendum undir 1-0 en Coutinho jafnar rétt fyrir hlé. Sturridge kemur inn á og skorar sigurmarkið í lokin.

Haukur Páll Sigurðsson - Valur
Þetta verður bráðskemmtilegur leikur sem endar með 2-1 sigri Liverpool. Lukaku kemur Man Utd yfir í fyrri hálfleik en Coutinho sér til þess að Liverpool vinnur þennan leik og skorar bæði mörkin fyrir sitt lið. Enski verður svo stjórnlaus í Liverpool borg um kvöldið

Davíð Snorri Jónasson - Aðstoðarþjálfari Stjörnunnar
Risa stór leikur í hádeginu eftir landsleikjahlé. Mourinho mun sætta sig við stig og Klopp nær ekki fram allri orkunni sem hann þarf til að vinna leikinn á sinn hátt. Man U lokar leiknum 0-1, líklega eftir horn. Höfum öll séð þennan leik áður frá Jose Mourinho.

Doddi litli - Rás 2
Þarna fáum við loksins próf á Man U krakkana. Hafa gert fína hluti gegn liðum sem þeir eiga að vinna til þessa á mótinu, leikir sem þeir misstu niður í jafntefli og töp í fyrra. Liverpool hafa verið í veseni með meiðsli og bönn á sínum bestu mönnum og ég ætla ekkert að ljúga, ég grét ekki mikið þegar ég sá að Mane væri ekki með. En Man U er án sinnar stærstu stjörnu Fellaini svo þetta jafnast út. Það verður gaman að sjá misgóða vörn Liverpool reyna sig við funheitan Lukaku sem hefur vist ekki verið merkilegur gegn Liver í gegnum tíðina en einhverntíma er allt fyrst. Vandamálið ætti ekkert að vera mikið á miljunni hjá Man U með Herrera og Matic heila. Ég ætla að leyfa mér að vera bjartsýnn og segja að Man klári þennan frekar leiðinlega leik 0-2 og Luki verði loksins með stórleik á móti Liverpool. Ég sé rautt kort einhversstaðar, væntanlega á Liverpool þar sem ég spái þeim tapi og Fellaini er ekki með.