Það var mikil dramatík í leik kvöldsins í þýsku úrvalsdeildinni en Kongómaðurinn Chadrac Akolo tryggði Stuttgart sigur gegn Köln sem er aðeins með eitt stig á botni deildarinnar.

Fjórum mínútum var bætt við leikinn og það var einmitt á 94. mínútu sem Akolo skoraði flautusigurmark eftir glæsilegt einstaklingsframtak.

Grikkinn Anastasios Donis hafði skorað fyrra mark Stuttgart en liðið er í tíunda sæti af átján liðum deildarinnar.

Dominique Heintz skoraði fyrir Köln en liðið er í miklu basli.