Heimild: Fréttablaðið
Pétur og Rúnar að störfum fyrir KR.
Pétur Pétursson verður ekki aðstoðarmaður Rúnars Kristinssonar hjá Lilleström í Noregi en hann og félagið náðu ekki samkomulagi. Þetta kemur fram í Fréttablaðinu í morgun.
„Það stóð til að ég færi með honum í þetta dæmi. Það var of mikill munur á milli mín og félagsins í samningaviðræðunum. Við náðum bara ekki saman. Mér fannst það ferlega leiðinlegt því þetta var spennandi dæmi," sagði Pétur við Fréttablaðið.
Sigurður Ragnar Eyjólfsson er nú orðaður við stöðu aðstoðarmanns Rúnars sem er á leiðinni út og verður kynntur sem nýr þjálfari Lilleström á næstu dögum.
Pétur hefur verið aðstoðarmaður Rúnars hjá KR undanfarin ár og er nú í leit að þjálfarastarfi.
Athugasemdir
