Andri Hjörvar Albertsson í þjálfarateymi Þór/KA
Sandra María Jessen skrifaði í dag undir eins árs samning við Þór/KA
Heimasíða Þórs greindi frá því í dag að Sandra María hefði skrifað undir eins árs samning við félagið þrátt fyrir að hafa fengið samningstilboð frá norska úrvalsdeildarfélaginu Kolbotn en hún fór þangað á reynslu í nóvember.
„Það hefði verið mjög spennandi að skipta um umhverfi og spila í norsku deildinni. Liðið leit vel út og aðstæðurnar góðar. Þór/KA ákvað aftur á móti að koma til móts við mig þannig að ég geti einbeitt mér betur að því að ná lengra í íþróttinni hér heima." Sagði Sandra María.
Heimasíða Þórs greindi einnig frá því að Andri Hjörvar Albertsson hefði verið ráðinn í þjálfarateymi liðsins og mun hann starfa við hliða Halldórs Jóns Sigurðssonar eða Donna næstu þrjú árin.
Donni tók við liðinu eftir síðasta sumar eftir að hafa stjórnað karlaliði Þórs síðustu ár í 1. deild karla.
Athugasemdir
