Independent segir að Manchester United telji sig vera að landa Alexis Sanchez frá Arsenal og að málin gætu verið kláruð á morgun, mánudag.
Manchester City er ekki tilbúið að borga 35 milljónir punda fyrir Sílemanninn og talið að United sé líklegasti áfangastaður leikmannsins.
Manchester City er ekki tilbúið að borga 35 milljónir punda fyrir Sílemanninn og talið að United sé líklegasti áfangastaður leikmannsins.
Arsene Wenger staðfesti í dag að framtíð leikmannsins ætti að skýrast á næstu tveimur sólarhringum en Independent segir að það gæti gerst fyrr.
Sanchez var ekki í leikmannahópi Arsenal í 2-1 tapinu gegn Bournemouth.
Manchester United er sagt vera tilbúið að borga Sanchez 400 þúsund pund í vikulaun en samningur hans við Arsenal rennur út í sumar. Alveg ljóst er að þessi 29 ára sóknarmiðjumaður vill fara burt frá Emirates.
Pep Guardiola, stjóri Manchester City, vildi ekki svara spurningum um Sanchez eftir tapið gegn Liverpool í dag. Hann sagði að Sanchez væri leikmaður Arsenal og væri ekki til umræðu.
Gabriel Jesus verður ekki eins lengi frá og talið var og það minnkar þörf City á að krækja í Sanchez.
Þá má gera ráð fyrir því að Sanchez yrði í stærra hlutverki hjá United en hann myndi vera í City.
Athugasemdir