Roy Hodgson, landsliðsþjálfari Englands telur sig eiga við lúxusvandamál að etja þegar kemur að því að stilla upp byrjunarliði enska landsliðsins.
Hodgson var gestur í Match of the Day sjónvarpsþættinum á BBC í gær og ræddi þar um nokkra leikmenn sem verða í eldlínunni með enska landsliðinu á EM í Frakklandi næsta sumar.
Wayne Rooney, Harry Kane og Jamie Vardy eru þeir þrír framherjar sem eru að öllum líkindum öruggir inn í lokahópinn en Hodgson er ekki búinn að gera upp við sig hvort hann geti stillt þeim öllum upp í einu.
„Það er ánægjulegt að sjá hvernig Wayne hefur staðið sig að undanförnu. Hann er mikilvægur leikmaður fyrir okkur. Hann er fyrirliðinn okkar og leikmaður sem við þurfum að stóla á, á EM," segir Hodgson.
„Við höfum marga möguleika þegar kemur að leikskipulagi."
„Við getum spilað með tvo upp á topp eða með einn framherja. Stóra málið er varðandi Kane og Vardy því þeir hafa báðir verið framúrskarandi í vetur," sagði Hodgson.
Athugasemdir