Sóknarmaðurinn umdeildi Mario Balotelli er farinn að fara í taugarnar á samherjum sínum í Nice. Miðjumaðurinn Valentin Eysseric talaði hreint út um Balotelli í viðtali og segir hann bara hugsa um sjálfan sig.
„Það er eins og hann vilji ekkert með okkur hafa," segir Eysseric.
„Það er eins og hann vilji ekkert með okkur hafa," segir Eysseric.
Balotelli var ekki með í 2-2 jafntefli gegn Rennes í gær vegna veikinda en hann var á bekknum gegn Saint-Etienne í umferðinni þar á undan.
„Ég er bara heiðarlegur með það að hann þarf að hugsa meira um liðið. Það er bara sannleikur. Það er synd þegar hann hengir haus á æfingum á hverjum degi. Hann er það góður leikmaður."
„Það er ekki í boði að leikmenn séu ekki að leggja sig alla fram en þetta er bara staðreynd með Mario Balotelli."
Balotelli kom til Nice í fyrrasumar og hefur skorað níu mörk í þrettán deildarleikjum.
Nice var á toppnum í frönsku deildinni fyrir nokkrum umferðum en hefur verið að gefa eftir. Liðið er nú í þriðja sæti, tveimur stigum á eftir Paris Saint-Germain og fimm stigum á eftir toppliði Mónakó.
Athugasemdir