banner
   mið 14. febrúar 2018 20:39
Elvar Geir Magnússon
Ronaldo með 100 Meistaradeildarmörk fyrir Real
Þessi gaur er rosalegur!
Þessi gaur er rosalegur!
Mynd: Getty Images
Portúgalinn magnaði skoraði sitt 100. mark fyrir Real Madrid í Meistaradeild Evrópu þegar hann jafnaði gegn Paris Saint-Germain í kvöld.

Þegar þessi orð eru skrifuð er hálfleikur og staðan 1-1.

Mark Ronaldo kom af vítapunktinum, Alphonse Areola fór í rétt horn en skotið var of fast fyrir hann.

Cristiano Ronaldo er fyrsti leikmaður í sögu Meistaradeildarinnar til að skora 100 mörk fyrir sama félagið. Hann er markahæsti leikmaður í sögu Meistaradeildarinnar með 115 mörk en hin mörkin gerði hann með Manchester United.

Þrátt fyrir að Ronaldo hafi ekki náð að sýna sínar bestu hliðar í La Liga á þessu tímabili er hann kominn með tíu mörk í sjö Meistaradeildarleikjum á tímabilinu. Hann hefur skorað í öllum leikjum sem hann hefur spilað í keppninni þennan veturinn.


Athugasemdir
banner
banner
banner