Leicester City nálgast Championship titilinn eftir jafntefli á útivelli gegn Reading, sem er í umspilssæti eftir stigið.

Alex Pearce kom heimamönnum í Reading yfir snemma í leiknum en gestirnir frá Leicester voru öflugri og jafnaði Danny Drinkwater leikinn og var staðan jöfn í leikhlé.

Í síðari hálfleik var hart barist en hvorugu liði tókst að skora og var varamaðurinn Mikele Leigertwood rekinn af velli undir lokin en gestirnir nýttu sér það ekki.

Fjórir leikir eru eftir af tímabilinu og er Leicester með sjö stiga forystu á toppnum.