Juventus heldur átta stiga forystunni sem liðið hafði á AS Roma fyrir umferðina eftir tveggja marka sigur á útivelli gegn Udinese.

Fimm umferðir eru eftir og fimmtán stig í pottinum sem þýðir að topplið Juve þarf aðeins átta stig til að tryggja sér titilinn.

Sebastian Giovinco skoraði fyrsta mark leiksins eftir korter þegar hann fékk góða sendingu frá Paul Pogba. Tíu mínútum síðar tvöfaldaði Fernando Llorente forystuna.

Heimamenn komust aldrei nálægt því að minnka muninn og öruggur sigur Juventus í höfn.