Lilja Dögg er reynslumikill varnarmaður sem spilaði síðast með Val í Pepsi-deildinni árið 2016. Hún hefur áður leikið með KR, frá 2005 til 2012, en auk þess hefur hún verið hjá Breiðablik, Aftureldingu, HK/Víkingi, Stjörnunni og Þór/KA/KS á ferli sínum.

Freyja Viðarsdóttir er aðeins reynsluminni en Lilja Dögg en þó reynslumikil. Freyja hefur rétt eins og Lilja áður leikið með KR, frá 2008 til 2013, en hún var síðast hjá Fylki. Freyja er miðjumaður.

Þá er miðvallarleikmaðurinn Mia Celestina Annette Gunter komin til KR en hún spilaði síðast með Kolding í Danmörku.

KR endaði í áttunda sæti Pepsi-deildar kvenna á síðasta tímabili en úr liðinu frá því í fyrra eru farnar Ásdís Karen Halldórsdóttir og Guðrún Karítas Sigurðardóttir í Val, Guðrún Gyða Haralz aftur í Breiðablik, Harpa Karen Antonsdóttir var lánuð í Hauka, Elísabet Guðmundsdóttir og Mist Þormóðsdóttir Grönvold fóru í Fjölni og Sigríður María S Sigurðardóttir hefur tekið sér pásu frá fóbolta. Eins og fyrr segir spilar Hólmfríður Magnúsdóttir ekkert í sumar þar sem hún er að fara að eignast barn.

Það verður fróðlegt að sjá hvernig KR kemur undan vetri en fyrsti leikur liðsins í Pepsi-deildinni í sumar verður gegn ÍBV 4. maí.