Samúel Kári í landsleik á dögunum. Hann er 22 ára.
Samúel Kári Friðjónsson átti fantagóðan leik fyrir Valerenga í Íslendingaslag í norsku úrvalsdeildinni í dag.
Valerenga mætti Start í eina leik dagsins og voru tveir Íslendingar sem byrjuðu, Kristján Flóki Finnbogason fyrir Start og Samúel Kári fyrir Valerenga. Aron Friðjónsson var á bekknum hjá Start og kom ekkert við sögu. Hinn efnilegi Guðmundur Andri Tryggvason var ekki í leikmannahópnum hjá Start í dag.
Valerenga mætti Start í eina leik dagsins og voru tveir Íslendingar sem byrjuðu, Kristján Flóki Finnbogason fyrir Start og Samúel Kári fyrir Valerenga. Aron Friðjónsson var á bekknum hjá Start og kom ekkert við sögu. Hinn efnilegi Guðmundur Andri Tryggvason var ekki í leikmannahópnum hjá Start í dag.
Það dró strax til tíðinda á fimmtu mínútu þegar Simon Larsen, varnarmaður Start fékk að líta rauða spjaldið. Valerenga nýtti sér liðsmuninn og komst í 2-0, þó náði Start að minnka muninn.
Staðan var 2-1 í hálfleik. Í seinni hálfleiknum var komið að Samúel Kára að sýna að sé fínn í fótbolta. Hann lagði upp tvö mörk í upphafi seinni hálfleiksins og skoraði síðan sjálfur.
Staðan orðin 5-1 en leikurinn endaði 6-1 fyrir Valerenga sem var á útivelli í Kristiansand.
Eftir fimm leiki er Valerenga í öðru sæti deildarinnar með níu stig. Start er með þrjú stig eftir fjóra leiki í 15. sæti.
Athugasemdir
