,,Við hefðum þurft að nýta færin okkar betur og fengum það í andlitið," sagði Guðrún Jóna Kristjánsdóttir þjálfari FH eftir að liðið tapaði 1-2 fyrir Selfossi í leik þar sem þær voru mun betri í kvöld. En afhverju tókst ekki að nýta færin betur?
,,Suma daga dettur þetta inn og aðra ekki. Ég veit ekki afhverju við nýttum ekki færin en við fengum allavega nóg af þeim en það getur verði dýrt að nýta þau ekki."
,,Ég er óánægð með seinni hálfleikinn. Mér fannst við ekki koma nógu sterkar inn í seinni hálfleikinn. Detta alltof mikið niður og flotið á spilinu var ekki eins og í fyrri hálfleik. Við hefðum þurft að spila hraðar og hleyptum þeim óþarflega mikið inn í leikinn."
Nánar er rætt við Jónu í sjónvarpinu hér að ofan.
