„Ég er mjög ánægður. Við sköpuðum okkur fjölmörg færi í fyrri hálfleik og vorum óheppnar að klára þau ekki. Mér fannst við eiga þetta skilið en Þróttarar eiga líka skilið hrós, þær voru frábærar,“ sagði John Andrews, þjálfari Aftureldingar í samtali við Fótbolta.net eftir 2-0 sigur á Þrótti.
Afturelding var betra liðið í fyrri hálfleik og fékk urmul marktækifæra en gangur leiksins breyttist í síðari hálfleik og meira jafnræði var með liðunum.
„Þetta jafnaðist út. Við vorum að spila á móti sterkum leikmönnum í liði Þróttar. Við höfum lagt mikið á okkur til að spila okkar leik en Þróttarahjartað er sterkt og Vanda er að gera góða hluti. Þær héldu áfram til loka leiksins,“ sagði John um gestina en hann hrósaði einnig sínu liði.
„Leikmennirnir lögðu sig fram allan leikinn. Það var gott að fá fyrsta heimasigurinn og að halda hreinu.“
Hægt er að horfa á allt viðtalið við John í sjónvarpinu hér að ofan.
