Þórdís Hrönn Sigfúsdóttir, leikmaður Breiðabliks í Pepsi-deildinni, var að vonum ánægð með 1-0 sigur á Val í kvöld.
,,Við börðumst vel fannst mér og gerðum það sem við lögðum upp með. Við lögðum upp með að verjast vel og sækja hratt á þér og spila fast."
,,Það er mjög gaman að skora sigurmarkið í stórleik, en það eru þrjú stigin sem skipta máli fyrir liðið. Það er mjög jákvætt og langt síðan við höfum fengið sex stig í fyrstu tveimur leikjunum síðustu ár."
,,Það er geðveikt að vera komin aftur og gaman að spila á grasi og koma svona sterkt til baka."
,,Auðvitað ætlum við að vera í toppbaráttunni og það er alltaf markmiðið," sagði hún að lokum.
Hægt er að sjá viðtalið í sjónvarpinu hér að ofan.
