Þórhildur í leik með ÍBV.
Þórhildur Ólafsdóttir hefur snúið aftur í sitt uppeldisfélag ÍBV en þetta var staðfest á vef félagsins í dag.
Þórhildur lék með Þór/KA í fyrra og varð með þeim Íslandsmeistari.
Þórhildur hefur æft af og til með ÍBV í vetur og spilað aðeins með félaginu í æfingaleikjum.
Það verður því mikill styrkur fyrir liðið að endurheimta Þórhildi aftur.
Þórhildur verður ekki í leikmannahóp ÍBV sem mætir HK/Víkingi klukkan 18:00 í dag en kemur inn fyrir leikinn gegn Val á laugardag.
